మంత్రి అఖిల ప్రియ నిశ్చితార్ధం

ఏపీ పర్యాటక శాఖ మంత్రి భూమా అఖిల ప్రియ పెళ్లికూతురు కానున్నారు. ఇప్పటికే అఖిల ప్రియ ఇంట పెళ్లి వేడుక మొదలైంది. మాజీ డీజీపీ సాంబశివరావు అల్లుడు భార్గవ్‌తో మంత్రి అఖిలప్రియకు నిశ్చితార్థం జరిగింది. హైదరాబాద్‌లోని మంత్రి అఖిల ప్రియ నివాసంలో ఈ శుభకార్యం జరిగింది. ఈ కార్యక్రమంలో సన్నిహితులు మాత్రమే హాజరయ్యారు.

ఇక భార్గవ్.. మాజీ డీజీపీ సాంబశివరావు చిన్న కూతురి భర్త. అఖిల ప్రియను రెండోసారి ఆయన మనువాడనున్నట్లు వార్తలు వస్తున్నాయి. ఈ నిశ్చితార్థ వేడుక గురించి మంత్రి అఖిలప్రియ కుటుంబం కానీ, భార్గవ్ కుటుంబం కానీ ఎలాంటి అధికారిక ప్రకటన చేయలేదు. ఇక దివంగత ముఖ్యమంత్రి వైస్సార్ బావమరిది, కడప మేయర్ రవీంద్రనాథ్ రెడ్డి కుమారుడితో గతంలో అఖిల ప్రియకు వివాహమైన సంగతి తెలిసిందే.

కానీ ఏడాదికే విభేదాలతో అఖిల ప్రియ విడాకులు తీసుకుంది. ఆ తర్వాత భార్గవ్‌తో ఆమె ఐదేళ్ల పాటు ప్రేమాయణం సాగించిందని.. ఈ ప్రేమ కారణంగా భార్గవ్ సాంబశివరావు కుమార్తెకు విడాకులిచ్చినట్లు తెలిసింది. దీంతో వీరిద్దరి వివాహం త్వరలో జరుగనుందని భూమా అఖిల ప్రియ సన్నిహితుల సమాచారం.

Author: admin

Leave a Reply

Your email address will not be published. Required fields are marked *